Les mots surlignés font l'objet d'une note
1Monsieur, je vous ay escrit du XXXe du passé ; despuis le
2roy est de retour en ceste ville et n’ay cessé de soliciter
3monsieur de Sauve pour faire respondre à vostre depeche du XVIIe
4du passé. Il vient de me dire que par deulx qu’il en a
5voulu parler au roy, le roy de Navarre s’est trouvé si
6près qu’il n’a osé mettre en sa presence le faict advant,
7et qu’il regardera ceste après- disner en tirer resolution.
8Il semble que nous sommes à la guerre, et se parle
9de tous coustés de lever companies, nonobstant
10que nous ayez escrit cy-devant que les companies seront bientost
11en Piedmont de monsieur des Adretz ; si n’ay-je laissé encor
12de soliciter qu’il vous feut mandé et au sieur Ludovic
13de les faire passer oultre, et à luy de les y recevoir, de peur
14que j’ay heu qu’il ne les fit sejourner aux montaignes.
15Il vous en est faict presentement une depeche et soubz l’occasion
16de quelzques autres novelles comme j’estime. Il a esté
17resolu que les commissaires pour l’exeqution de l’edict ou autres
18que les precedantz seront renvoyez en Daulphiné. Il n’y a
19remonstrances qui le sceussent empecher, et si je
20me souviens bien de ce qu’en feut proposé à noz estatz
21derniers, et combien de querelles se mouvoint pour la
22presence et commodité de telz commissères que feussent demeurées
23estainctes ; mais le vent à present est trop bon pour eulx.
24Je vous puis asseurer, monsieur, que vous avez ung
25grand et très affectionné amy en monsieur de Bellievre,
26lequel le XXVIIIe du passé que l’orateur de la cause,
27Cavagnes, fut ouy au conseil privé, print la parolle
28hautement pour les chefz qui vous concernoint, comme il
29a faict en plusieurs autres lieux despuis. Je receus hyer
30une lettre de monsieur de Saint-André du XXIIIIe du passé
31qui m’advertissoit de votre maladie et de la déclination
32[v°] de voz accès. Notre Segneur vous veuille remettre en bonne
33santé. J’ay sceu aussi, par la lettre que Tomasset m’a
34escrit de Lyon du XXVIIe, la maladie de monsieur
35de Laval à Jaunage. Nous estions bien ebahis de leur
36si longue demeure puis leur partement de Grenoble.
37J’ay sceu aussi la convalescence de monsieur le president
3839
Truchon. Michalon partira bientost pour son retour.
40Je prie Dieu,
41Monsegneur, vous donner très longue vie. De Paris,
42ce XIIe aoust 1572.
43Votre très humble serviteur
44So de boczosel